من اجمل ماقيل بحق الزهراء ( عليها السلام )

من اجمل ابيات الابوذية

انسها تنوح هالدنيا وجنها
على الزهره اللطم حبتر وجنها
لفاها الليل من ماتت وجنها
دفنها بالحزن حيدر خفيه

الحزن عالزهره يالهادي تراها
يريتك حاضر وعينك تراها
عگب عيناك هالزهره تراها
ضلعها انهشم ياسيد البريه

يظالم منهو ظل ايعيش مندم
تخلي الزهره تجري دموع مندم
لون أبچي عليها العمر مندم
حزنها چالصلاة واجب عليه

أوننًا والجسم ناحل وداعي
يحيدر لودنت ساعت وداعي
بسواد الليل ادفني وداعي
بفدك وبمحسن وبالجره عليه

مصايب فاطمة عظامي بدنها
وأشوف البيت صار أظلم بدنها
وحين الغسلت بيدي بدنها
كسر گلبي كسر ضلع الزچيه

يمن فضلك ملى الدنيا وسدها
ويمهدم حصن خيبر وسدها
بلحدها فاطمة بهدة وسدها
وعلي لا تلچم ضلوع الزچيه

شيعة وفاطمة حبها ولعنه
وهذا التعب مايهمنة والعنة
ابغضه الذي يبغضها ولعنه
وأحب اليحب فاطمة الزچية

مضـــرار الـــدهر للــزهره ولاهي
وگـلــبــها حگـه لو يــجزع ولاهي
لا هي الحــظت بالـــهادي ولا هي
تخلصت مــــن افـــعال الجــــاهليه

يظالم منهو ظل ايعيش مندم
تخلي الزهره تجري دموع مندم
لون أبچي عليها العمر مندم
حزنها چالصلاة واجب عليه

مصايب فاطمة عظامي بدنها
وأشوف البيت صار أظلم بدنها
وحين الغسلت بيدي بدنها
كسر گلبي كسر ضلع الزچيه

شكرآ لك اختي الكريمة

» اروع ماقيل في الزهراء عليها السلام
» باب الزهراء عليها السلام
» حرز مولاتي الزهراء عليها السلام